Մարտունի համայնքում ավագանու անդամների կողմից տեղական ինքնակառավարման իրականացմանը ոչ լիարժեք մասնակցություն, որոշումների սուբյեկտիվ կայացում և համայնքի բնակիչների տեղական ինքնակառավարմանը մասնակցելու համար արդյունավետ մեխանիզմների բացակայություն:

Տեղական ինքնակառավարմանը մասնակցելու համար գոյություն ունեցող մեխանիզմների կիրառումը չի ապահովում համապատասխան արդյունք` չբավարարելով համայնքի բնակչության կարիքներն՝ ըստ անհրաժեշտության և կարևորության:

Ծրագիրն ուղղված է ավագանու անդմաների հետ անհատական աշխատանքին, որը կարող է ունենալ ամենատարբեր դրսևորումները համայնքի բնակչության` ծրագրի շահառուների կողմից:

Ունենալ տեղական ինքնակառավարման ինստիտուտի անկախ, մասնակցային, օբյեկտիվ և ժողովրդակենտրոն սկզբունքներով աշխատող ավագանի` յուրաքանչյուրի նկատմամբ անհատական վերահսկման մեխանիզմով:

Նպատակի չափելիությունը հստակ մշակված մեխանիզմի հիմքում է, այն է օֆլայն վերահսկել և օնլայն հրապարակել վերջինիս մասնակցայնությունը` ըստ անհատական չափորոշիչների՝ միաժամանակ խթանելով վերջինիս առաջխաղացմանը:

-Մարտունի համայնքի ավագանու նիստերի ընթացքում բարձրաձայնված 5 խնդիր՝ յուրաքանչյուր նիստում մեկական (բարձրաձայնված խնդիրների թեմատիկան պետք է համապատասխանի շահառուների գործունեության համար նախատեսված թեմատիկ ուղղվածությանը)
-Մարտունի համայնքի ավագանու 12 անդամների առավելագույն մասնակցություն (անկախ, մասնակցային, օբյեկտիվ և ժողովրդակենտրոն) տեղական ինքնակառավարմանը,
-Համայնքային ինքնակառավարմամբ զբաղվող 12 թիմ (նախաձեռնող խմբեր),
-Ավագանու անդամների ցուցաբերած արդյունքները ամսական և տարեկան կտրվածքով՝ համաձայն գնահատման չափորոշիչների մեթոդաբանության
-Մարտունի համայնքի բնակչության մասնակցությունը տեղական ինքնակառավարմանը,
-Ծրագրի շնորհիվ համայնքում լուծված խնդիրներ
-Ավագանու ռեյտինգավորման 1 կայք

1. Ավագանու անդամների ռեյտինգավորման, չափորոշիչների մշակման, մշտադիտարկման մեթոդաբանության մշակում,
2. Ավագանու անդամների մասնակցության համար հատուկ մեխանիզմների մշակում,
3. Մշակել մեխանիզմ շահառուների համար տեղական ինքնակառավարմանը մասնակցելու գործիքակազմով,
4. Ամսական կտրվածքով ապահովել համայնքային խնդրի թեմատիկ ուղղվածություն շահառուների գործունեության համար,
5. Տարվա կտրվածքով մշակել վերլուծություն՝ համաձայն ստեղծված մեթոդաբանության, ավագանու անդամների մասնակցայնության (առաջընթաց և հետընթաց` ըստ չափորոշիչների) վերաբերյալ:

1. Մարտունի համայնքի ավագանու 12 անդամներ- Ծրագրի իրականացման արդյունքում կամրապնդվի նրանց լիարժեք մասնակցությունը տեղական ինքնակառավարմանը, ինչի հետևանքով էլ համայնքում բազմաթիվ խնդիրներ լուծում կստանան:
2.12 թիմի անդամներ, ովքեր աշխատելու են ավագանու անդամների հետ: Արդյունքում կբարելավվի նաև վերջիններիս հաղորդակցման որակը ՏԻՄ-ի հետ:
3. Մարտունի համայնքի բնակչությունը- Ծրագրի իրականացման արդյունքում բնակչությունը կդառնա ավելի մասնակցային տեղական ինքնակառավարմանը, որն էլ պատասխանատվություն կառաջացնի և՛ նրանց, և՛ ավագանու անդամների մոտ հաշվետվողականության և թափանցիկության համար:
4. Այլ քաղաքացիներ- Ծրագրի իրականացման արդյունքում խաղի միջոցով շատ քաղաքացիներ լծակ կհանդիսանան տեղական ինքնակառավարման մարմիններին պարտավորեցնելու իրենց իրավունքների բարեխիղճ կատարման համար:

Ծրագրի նախնական ազդեցությունը ֆիքսելու համար կազմված 12 թիմերի անդամները լրացնելու են նախնական գիտելիքների ստուգման հարցաթերթիկներ: Ավագանու նիստերից մեկ շաբաթ առաջ վերջիններիս հետ անցկացվելու են վերապատրաստման դասընթացներ՝ ինչպես ՏԻՄ-իրավունքի, այնպես էլ ամսական թեմատիկայի համապատասխան հիմնախնդրի վերաբերյալ, որից հետո իրականացվելու են գիտելիքների գնահատում հարցաթերթիկների միջոցով: Նախնական, ընթացիկ ու վերջնական հարցաթերթիկների համեմատությամբ ակնհայտ կդառնա մասնակիցների իրազեկվածության և տեղեկացված մասնակցայնության մակարդակը:
Ծրագրի ընթացքում՝ ավագանու յուրաքանչյուր նիստից հետո, իրականացվելու են արդյունքների հրապարակում և վերլուծությունների կազմում, որոնց համեմատականի հիման վրա կարելի է ցույց տալ ապահովված առաջընթացը/հետընթացը:
Ծրագրի իրականացման ընթացքում վերահսկվելու են ավագանու նիստերի անցկացման պարբերականությունը, կարգը և համապատասխանությունը չափորոշիչներին, որոնց համեմատումը նույնպես ցույց կտա վերջիններիս պատասխանատվությունը գործընթացի նկատմամբ:
Համայնքային հարցումների շնորհիվ ստուգվելու է համայնքի բնակչության վերաբերմունքը ՏԻՄ-ի և որոշումների կայացման գործընթացի նկատմամբ։ Հարցումները նաև հնարավորություն կտան ստուգել համայնքակենտրոն գործողությունների իրականացման արդյունավետությունը՝ համեմատած 10 ամիս առաջ ունեցած արդյունավետության հետ:

Կայքի գոյությունն արդեն իսկ մոտիվացիա է համարվում թիմերի համար հետագա աշխատանքները շարունակելու համար: Ծրագրի ավարտից հետո, ունեցած արդյունքների հիման վրա, թիմերը նույն սկզբունքով և մեխանիզմների կիրառմամբ ներազդելու են ավագանու աշխատանքի օբյեկտիվությանն ու ժողովրդակենտրոն որոշումների կայացմանը, որպեսզի բավարարեն սեփական համայնքի կարիքները:
Ծրագրի կայունության գլխավոր նախապայմաններից մեկը թիմերի միջև ազատ մրցակցությունն է, որով թիմերը միմյանց պետք է ցույց տան իրենց գործիքների և մեխանիզմների արդյունավետությունը՝ ի հաշիվ ավագանու աշխատանքի բարելավման:
Ծրագրի շարունականությունն ու կայունությունը հիմնավորվում է ծրագրի իրականացման ընթացքում գրանցած հաջողություններով, մասնավորապես, ավագանու նիստերում համայնքի բնակչությանն անհանգստացնող հարցերի բարձրաձայնումը, ավագանու անդամների մասնակցայնությունը՝ հօգուտ համայնքի բնակչության: Այն փոխկապակցված գործողությունն է, որի արդյունավետ աշխատանքի դեպքում մոտիվացիան մնում է կայուն աճող:

Ծրագիրը ներառում է աշխատակազմի ադմինիստրատիվ թիմ, որի աշխատանքը լինելու է կամավորական սկզբունքով: Ադմինիստրատիվ թիմից զատ, ծրագրում ընդգրկվում են փորձագետներ, ովքեր վարելու են դասընթացներ և վերապատրաստելու են մասնակիցներին:

Ծրագրով նախատեսված փորձագիտական կազմ`

- ՏԻՄ-իրավական ոլորտի փորձագետ,
- Ռեյտինգավորման և չափորոշիչների մշակման, մեթոդաբանության ստեղծման համար փորձագիտական թիմ՝ բաղկացած երեք հոգուց` սոցիալական աշխատող, ՔՀԿ փորձագետ, ՏԻՄ փորձագետ: