ՏԻՄpulse

Ջիջիլ
Խաղի ջիջիլը մրցակցության մեջ է:

Ի՞նչ է ՏԻՄpulse-ը

ՏԻՄpulse-ը ավագանու անդամների գնահատման մեթոդաբանությունից և մասնակցային խաղից բաղկացած ծրագիր է, որն իրականացվում է զուգահեռաբար` առցանց և կենդանի հարթակներում:


Ինչի՞ համար

ՏԻՄpulse-ի նպատակն է համայնքի բնակիչների մասնակցության միջոցով բարձրացնել ավագանու անդամների աշխատանքի որակն ու արդյունավետությունը: Խաղային մեթոդն ընտրված է մասնակցությունը որպես այդպիսին հետաքրքիր և դինամիկ դարձնելու համար:
Ինչպես

ՏԻՄpulse-ի շրջանակներում ձևավորվում են օնլայն և օֆլայն հարթակներ: Օնլայն հարթակում տեղադրվում է ամբողջ տեղեկատվությունը, որը գոյանում է խաղի ընթացքում: Այդ տեղեկություններն ներառում են ավագանու անդամների գնահատման արդյունքները, խաղի ընթացքի մասին նորությունները, օգտակար հղումները, տեղական ինքնակառավարման վերաբերյալ կարևոր նյութերը և այլն:

Օֆլայն հարթակում ավագանու անդամների քանակով ստեղծված թիմերից յուրաքանչյուրն աշխատում է իր գործընկեր ավագանու անդամի հետ: Թիմի գործողությունների նպատակն է բարձրացնել ավագանու անդամի աշխատանքի որակը, ինչն իր արտահայտումն է գտնում հաջորդ գնահատման ժամանակ՝ արձանագրելով թիմի առաջընթացը կամ ձախողումը:

Հաղթող է ճանաչվում այն թիմը, որի գործընկեր ավագանու անդամը խաղի ավարտին գրանցում է լավագույն արդյունքը:


Ովքե՞ր

ՏԻՄpulse-ի իրականացմանը մասնակցում է խաղի ողջ ընթացքում գնահատում իրականացնող, խաղացողների համար առաջադրանքներ ձևակերպող և կայքը վարող ադմինիստրատիվ խումբը, ինչպես նաև ընտրված համայքնի ավագանու անդամների քանակով ձևավորված թիմերը:

ՏԻՄPulse -ի էթիկայի կանոնները իրենցից ներկայացնում են այն հիմնական կարևոր վարվելակերպերը, որոնց պետք է հետևի յուրաքանչյուր խաղացող։

Էթիկայի կանոնների սահմաններում գործելը ՊԱՐՏԱԴԻՐ է։

ՏԻՄPulse թիմը սահմանում է էթիկայի հետևյալ կանոնները՝

1. Գործողությունները չեն կարող հակասել ՀՀ Սահմանադրությանը և օրենքներին,
2. Գործողությունները չեն կարող հակասել ՏԻՄPulse-ի խաղային կանոններին,
3. Խմբերի ցանկացած գործողություն չպետք է ոտնահարի ավագանու անդամների արժանապատվությունը,
4. Թիմի անդամի որևէ գործողություն չպետք է հակասի թիմի ներսում ձեռք բերված պայմանավորվածություններին,
5. Արգելվում է ներկայացնել, տարածել և օգտագործել սուտ, անարժանահավատ, կամ ոչ հավաստի տեղեկատվություն ավագանու անդամի մասին,
6. Ներխմբային և միջխմբային գործունեության ընթացքում խաղացողները պարտավոր են պահպանել առողջ համագործակցության և մրցակցության մթնոլորտը,
7. Քայլեր ձեռնարկելիս պետք է պահպանել ողջամտության սահմանները, այն է՝ խաղային և իրական գործընթացներն իրարից տարանջատելու ունակությունը,
8. Չմիջամտել ավագանու անդամի անձնական կյանքին,
9. Ավագանու անդամի կողմից խաղացողի/թիմի գործունեությանը անհարկի միջամտության դեպքում անմիջապես տեղեկացնել ադմին խմբին։